Iešdovdu

Iešdovdu mearkkaša ee. dan geat mii leat, makkár árvvut mis leat ja geasa dehe masa mii gullat. Sátni boahtá latiinnalaš sánis idem ja mearkkaša “dat seamma”. Iešdovdu čujuha dasa mii lea bistevaš dehe ahte lea seamma iešvuohta ovtta olbmos áiggiid čađa, dat mii dahká dan ahte mii dovdát dan olbmo. Das lea juoga mihtilmasvuohta, dakkár mii sirre olbmuid nuppiin olbmuin. Muhto nuppe dáfus leat dat maiddái dan birra mot mii sulastahttit daid earáid dan joavkkus maid mii atnit iežamet joavkun.