Buojkuldahka
Gievrrodit
Gievrrodit la jårggåluvvam ieŋŋils buojkuldagás “empowerment”. Báhko vuoset prosæssaj manna ulmusj oadtju fámov ja iesjrádálasjvuodav ietjas iellema badjel mierredittjat. Gievrrodit merkaj sjaddat iesjrádálasj, luovviduvvam ulmutjin, ulmutjin guhti iesj máhttá ietjas friddjavuodav válljit ja háldadit navti váj vállji liehket solidáralasj iehtjádij.