Kultuvre

Baakoe kultuvre tjuvtjede dïsse maam almetjh leah sjugniedamme, goh joekehtse destie maam eatneme lea sjugniedamme. Maahta kultuvrem nuhtjedh dej darjomi bïjre mejtie almetjh aktene seabradahkesne sjugniedieh, goh daajehtsisnie nöörjen kultuvre, jallh eerpeme praksise aktene dåehkesne, goh daajehtsisnie sïeltekultuvre. Sïejhme goerkesisnie maahta kultuvrem gaskesadtemasse ektiedidh: kultuvre lea gaajhke man åvteste almetjh maehtieh sinsitniem guarkedh jïh laavenjostedh, gïelen jïh åssjaldahki raejeste fearadimmievuekien jïh aerpievuekien raajan. Daan goerkesen mietie göökte almetjh mah gaskesedtieh, sijhtieh iktesth maam akt kulturelle juekedh. Daate goerkese kultuvreste dan åvteste vuajnoem ovmessie kultuvri bïjre haasta mah leah sïerrene sinsitneste.