Pedagogihke jïh didaktihke
Guktie skuvle maahta åvtelhaarvoeh jïh tjïertevidtjiem hööptedh? Guktie daej teemaj bïjre ööhpehtidh? Jïh guktie ekstreeme vuajnoeh dïeves åvtelhaarvojste klaassetjiehtjelisnie gïetedidh?
Dembran maadthåssjaldahke lea hööptedh viehkine bigkedh. Åvtelhaarvoeh almetji voestegas daerpiesvoeth illieh mah leah vïedteldihkie ektiedæmman, goerkesasse jïh jïjtse jieledem baajnehtidh. Hööpteme lea daah daerpiesvoeth dievhtedh positijve alternatijvigujmie åvtelhaarvojde, amma hijven ektievoeth bigkedh jïh maanide jïh noeride dïrregh vedtedh veartenem guarkedh jïh råållam seabradahkesne utnedh.
Daennie barkosne gaajhkh faagh maehtieh viehkine årrodh. Daesnie maahtah faagedidaktihkeles ussjedadtemh jïh tipsh gaavnedh ovmessie faagijste, dej gaskem vitnedimmie, matematihke jïh englaanten gïele.
Gellie ovmessie vuekieh akten feerhmeles pedagogihkese gååvnesieh, goh daajroe gellievoeten, dijalogen jïh perspektijvevaeltemen bïjre. Maahta feerhmeles pedagogihkem laejhtedh faatoes goerkesen gaavhtan seabradahkestruktuvri åvteste, mah ålkoestimmiem sjugniedieh. Joekehts såarhts haestije pedagogihke raaktan pryövoe struktuvrh jïh faamoetsiehkieh jarkelidh. Daate maahta laejhtehks ussjedimmie, nåårmelaejhteme jïh dekolonijaale pedagogihke årrodh.
Daan teeman nuelesne gaajhkem gaavnh, tjïelke tipsi raejeste pedagogeles jïh didaktihkeles teorijen raajan. Lissine darjomh jïh ööhpehtimmiesoejkesjh gaavnh mah leavloem biejieh pedagogeles jïh didaktihkeles perspektijvide.