Hopp til hovedinnhold
Darjome

Aarkebiejjien tjïertevidtjie?

Darjomen bïjre

Ulmie

  • Learohkh edtjieh ussjedadtedh guktie maahta ovmessie lahtesh guarkedh jïh guktie tjïertevidtjien dïjrh maehtieh dovne aarkebiejjien jïh vielie ekstreeme lahtesinie årrodh.

Haarjanimmien våarome lea gellie lahtesh jïh heannadimmieh, tjïelke tjïertevidtjien heannadimmiej raejeste lahtesi raajan mah eah leah ryöktesth tjïertevidtjien. Dah mah meatan edtjieh lahtesidie digkiedidh dåehkine.

Haarjanimmie lea veedtjesovveme gærjatjijstie 16 år med Benjaminprisen. Forebyggende arbeid mot rasisme og diskriminering i skolen. HL-senteret 2019. 

Tïjje:
30 - 60 min
Dåehkien stoeredahke:
20 - 35

Ryöjredimmie

Tjïrrehtimmie

Åejviebielie

  • 1

    Dah mah meatan juakasuvvieh dåehkide vïjhte – tjïjhtje almetjigujmie.

  • 2

    Fïerhte dåehkie tjomhpem leahpajgujmie åådtje (5-10).

  • 3

    Dåehkie akti akti leahpam geasa jïh dam digkede daej gyhtjelassigujmie goh våarome:

    • Gieh vienhtede åadtjoeh dagkerh lahtesh govledh jallh tsiehkieh dååjredh mah leahpesne tjåadtjoeh?
    • Mannasinie vïenhtede almetjh dagkeri lahtesigujmie båetieh?
    • Guktie vïenhtede almetjh daam lahtesem dååjroeh? Mah naakede daesnie maam maahta dååjredh goh sååjrehke?
    • Lea mij akt daejnie lahtesinie/guvvine maam maahta defineeredh goh tjïertevidtjien? Mij jïh guktie?

Iktedimmie abpe dåehkesne.

Nuhtjh gyhtjelasside bijjielisnie goh aalkoevåarome. Jallh datne maahtah dåehkide birredh aktem jallh göökte lahtesh åehpiedehtedh. Maahta årrodh dam lahtesem maam dåehkie jeenjemes digkiedi, jallh guhte daejstie lahtesijstie mij dejtie jeenjemes baajnehti. Birrh jeatjah dåehkieh teemide lahtestidh mah bæjjese båetieh.