Máŋggabealatvuohta dehe girjáivuohta

Máŋggabealatvuohta dehe girjáivuohta mearkkaša dan ahte lea juoga mas lea stuora variašuvdna. Go atná dán doahpaga joavkkuid dehe servodaga birra, de adnojuvvo dat iešguđetge ládje. Gáržžit ipmárdusas deattuha doaba muhtun válljejuvvon erohusaid, nu go etnisitehta, nationalitehta ja oskku. Viidát ipmárdusas fas fátmmasta buot girjáivuođa hámiid, leaš dal kultuvra, eallinvuohki, eallinárvvut, birgejupmi, politihkka, doaibmannákca dehe makkár musihka liiko.