Hopp til hovedinnhold
Oahpahusoassi

Forumteáhter

Oasi birra

Mihttu

  • Ovdánahttit doaibmanstrategiijaid go deaivida iešguđetlágan vugiid vealahit ja duolbmat.

Forumteáhter váldá ovdan sosiála dili mas eahpevuoiggalašvuohta, vealaheapmi ja duolbman dáhpáhuvvá, dávjá vuođustuvvon ovdagáttuide su vuostá gii vásiha dan. Go geahččit oaivvildit ahte okta neavttáriin livččii berren dahkat eará láhkái, molsuba geahčči ja neavttár saji. Ná ovdána dilálašvuohta ovddas guvlui juohke molsumis, ja luohkká digaštallá ođđa doaibmanvejolašvuođaid.

Bagadusat, teavsttat ja bargobihtát leat čohkkejuvvon sierra pdf:ii: Forumteáhter Oadjebas ja searvadahtti skuvlabiras

Lena Lybæk,Lulli-nuorta Universitehta ja Claudia Lenz, HL-senteret ovdánahttán ja čađahan.

Áigi:
60 - 90 min
Joavkosturrodat:
20 - 35

Ráhkkaneapmi

Juoge luohká joavkkuide mas leat viđas.

Mana čađa forumteáhtera njuolggádusaid:

  1. Lonuhit váldopersovnna: Fuomáš ahte lea dušše váldopersovdna gean sáhttá lonuhit forumspealu vuosttaš muttus. Sáhttá molsut eará persovnnaid go váldopersovnnas (mearkkaša dan gii dulbmojuvvo), muhto dalle rievdá guorahallama fokus. Go lonuha dušše ovtta olbmo, de biddjojuvvo fokus dán persovnna doaibmanvejolašvuođaide. Jus molsu eanet persovnnaid, sáhttá guorahallama eanet guovdilastit daid iešguhtege posišuvnnaide fápmorelašuvnnas, ja dat sáhttet rievdat jus muhtun molso iežas rolla.
  2. Doalahit bissovaš eavttuid: Joker ferte gozihit ahte geahččit geat galget váldit badjelasaset váldopersovnna rolla, eai rievdat daid dilálašvuođa bissovaš olgguldas ja siskkáldas eavttuid (omd. Persovnna agi, virggi, bearašdilálašvuođaid, ekonomiija).
  3. Jokera rolla: Joker lea speallojođiheaddji ja galgá jođihit hárjehusaid ja stohkosiid. Joker galgá čilget speallonjuolggadusaid gehččiide ja fuolahit spealu njuovžilvuođa. Son galgá maiddái movttiidahttit ja oaččuhit gehččiid searvat. Joker sáhttá leat oahpaheaddji dahje maiddái soames ohppiin/studeanttain.
  4. Dat magihkalaš: Sáhttá leat jođán sisafievrredit «magihkalaš čovdosiid». («Magihkalaš» jávkadit váttisvuođa ieš ilmmán – ovdamearkka dihte jus muhtun vuoitá Lottos ja šaddá rikkis.) Geahččit mearridit leago čoavddus hejot jurddašuvvon ja/dahje «magihkalaš».
  5. Gávnnahit čovdosa: Geahččit sáhttet nagodit botket duolbmama ja gávnnahit čovdosii maid ii sáhte lohkat magihkalažžan. Dattetge sáhttá dakkár čoavddus leat čadnon earenoamáš áigái, earenoamáš dilálašvuhtii ja earenoamáš olbmui. Čoavddus soaitá doaibmat dás ja dál daid oasseváldiiguin, muhto ii dárbbaš dahkat dan maŋŋil dahje eará báikkis.

Doahpagat

Geahča buot

Čađaheapmi

Álgu

Juoge luohká joavkkuide mas leat viđas. Juohke jovkui juhkkojuvvo teaksta “Oadjebas ja searvadahtti skuvlabiras”. Sii lohket teavstta ja barget bargobihtáiguin.

Forumteater med scenene Trygt og inkluderende skolemiljø

FiilaDokumeanta

Forumteater med scenene Trygt og inkluderende skolemiljø

Rollaspeallu

Rollaspeallu čađahuvvo. Olles luohkká oassálastá neavttárin ja geahččin. Rollat molsojuvvojit.

Go geahččit oaivvildit ahte okta neavttáriin berrešii dahkat eará láhkái, molsuba geahčči ja neavttár saji. Oahppit digaštallet juohke háve go oassi dáhpáhuvvá ođđasit. Ná ovdanbuktojuvvojit ja digaštallojuvvojit ođđa evttohusat movt neavttárat livčče sáhttán láhttet. Maid háliidii son gii válddii badjelasas rolla olahit iežas rievdademiin? Movt áddejedje mielneavttárat dan ođđa dáhpáhusmannolaga? Movt áddejedje geahččit rievdadusaid?

Loahpalaš reflekšuvdna oahpaheaddjestudeanttaide ja oahpaheddjiide

Loahpat oahpahusbotta digaštallamiin ja čoahkkáigeasuin. Maid muitala rollaspeallu dan birra mii sáhttá hehttet oadjebas ja searvadahtti skuvlla? Movt sáhttá skuvlabiras/ oahpaheaddjeoahppobiras vel buorebut áimmahuššat buohkaid? Movt sáhttá oahpaheaddji ja movt sáhttet oahppit váikkuhit dasa?