Doaimma birra
Mihttu
- Dát hárjehallan veahkeha du ipmirdit earáid eallindili ja smiehttat movt olggobeale fáktorat sáhttet váikkuhit min vejolašvuođaide eallimis.
Ráhkkaneapmi
Láste vulos ja čálit rollakoarttaid ja cealkámušaid. Rollakorttaid ferte čuohppat nu ahte juohke oahppi/studeanta máhttá iežas koartta. Koarttaid sáhttá máŋget nu ahte oallugat ožžot seamma koarttaid.
Dát hárjehallan dárbbaša stuorra latnja gosa buohkat čáhket čuoččut bálddalagai seaidne vuostá.
Čađaheapmi
Hoveddel
- 1
Váldde eret stuoluid ja bevddiid láhttis, ja bovde ohppiid/studeanttaid gasku. Buohkat váldet fárrui leat peanna/bliánta ja árka masa čállet.
- 2
Juoge rollaid
Čilge ahte buot oahppit/studeanttat ožžot rolla maid galget oahpahallat. Juoge rollakoarttaid, áinnas nu ahte sii ožžot rolla mii lea vuostálaga studeanttaid duohta duogážiin jus lea vejolaš.
Dáhto ohppiid/studeanttaid čohkkedit ja lohkat bures rolla maid leat ožžon, Bivdde sin friddja válljet vel guokte iešvuođa maid galget lasihit daidda maid juo leat ožžon.
- 3
Govahallat iežaset rollaid
Álggahišgoahtin dihte siskáneami ja rolladulkoma, jeara sis: Movt lei dan olbmo mánnávuohta, guđelágán viesus ásse sii? Makkár lea sin ruoktu oaidnit? Mii geavvá árgabeaivvis, ja maid dahká olmmoš eahkes ja friddjaáiggis? Maid dahká bearaš ovttas? Jnv.
FUOM: dat lea dušše vuolggahan dihte jurdagiid, vástádusaid ii galgga dadjat jitnosit.
- 4
Čuožžulit linnjás čállinreaiddutguin
Bivdde dasto ohppiid/studeanttaid čuoččahit, mannat ovtta beallái lanjas ja čuožžut linnjás.
- 5
Lohkat ja lávkejit
Muital sidjiide ahte don dál áiggut lohkat ovtta dilálašvuođa hávális. Jus sii jáhkket dilálašvuohta heive olbmui maid leat ožžon, sáhttet lávket ovtta lávkki ovddas. Juohke háve go lávkejit, čállet sii sázu árkii. Sii eai galgga jietnadit maidege, buot dahkkojuvvo áibbas jaskatvuođas. Oahppit/studeanttat sáhttet maiddái čállit jurdagiid mat bohtet millii dagadettiin hárjehusa. Atte ohppiide/studeanttaide áiggi dulkot (jaskatvuođas) juohke cealkámuša maid don logat.
- 6
Man gallii leat lávken?
Go leat geargan lohkat buot cealkámušaid jitnosit, sáhtát sihtat juohke oahppi/studeantta muitalit man gallii leat lávken. Sivas go soapmásat lávkejit guhkkeliidda go earát, murddit olbmuid saji nu ahte sii geat lávkejedje eanemus lávkkiid čužžot ovddemusas, jnv. Bivdde ohppiid/studeanttaid jorgalit vai buohkat oidnet gos earát čužžot.
- 7
Rollaid duogáža
Jeara ohppiin/studeanttain sáhttet go árvidit juoidá duogáža dahje iešvuođaid birra maid earát leat ožžon. Divtte muhtumiid dahje buohkaid, sorjavaš leago áigi ja man gallis leat, muitalit duogáža ja iešvuođaid birra maid sii leat ožžon.
Avsluttende refleksjon:
Loahpalaš guorahallan
- Movt vásihit don dán hárjehusa?
- Manne jáhkát dagaimet dan?
- Vásihit go don ahte muhtun háviid báhcet dahje bohtet olu ovddabeallai daid earáid? Movt lei dovdu?
- Addá go hárjehus realisttalaš gova movt min duogáš ja eará bealit eallimis doibmet ovttas ja váikkuhit min vejolašvuođaide?
- Movt veahkeha hárjehus čalmmustahttit ovdamuniid?
Gažaldagat oahpaheaddjestudeanttaide:
- Movt sáhttá du ohppiid duogáš ja eallindilálašvuohta váikkuhit sin akademalaš ja sosiála eavttuide?
- Movt sáhtát don gii leat oahpaheaddji fuolahit ahte don vuhtiiválddát ohppiidat iešguđetlágan dárbbuide čadnon duogážii ja eallindilálašvuhtii.
- Sáhttá go sullasaš hárjehusa dahkat ohppiiguin?
- Maid berre dalle dasto jurddašit?
- Mii sáhttá leat oahppanjovssus?
