Rasissma ja ietjá konkriehta hásstalusá

Rasissma ja antisemittissma li dån dålutjis juo gávnnum. Histåvråv ja vuojnojt dåbddåt la ájnas váj dájt fenomienajt dåbddåp ja dádjadip. Dát guosská aj ietjá lágásj juogosvasjijda, dagu muslijmmavassje, sexissma, gátto LHBT+-ulmutjij ja doajmmahiereduvvamij vuosstij.

Nágina tjadni rasismav viek vastes guottojda dagu dakkira ma ådånasistajn li. Moaddása gudi rasismav gierddi, tjadni dav ienemusát árggabiejve dáhpádusájda ma vuosedi sij li ietjálágátja, dat merkaj árggabiejvverasissma. Dákkir mekanismajt ájttsat la ájnas váj skåvllå galggá buktet ájttsat gåktu oahppe dåbddi sij li ålggolij báhtsám.

Dáj bielijn gávna diedojt gåktu gátto ja juogosvassje konkriehtalattjat vuojnnu ja dåbddu. Besa aj låhkåt gåktu máhttá dáj vidjurij pedagogihkalattjat barggat. Ieredip guovte lahkanimij gaskan: sebrudahtte pedagogihkan le ulmme ahte unneplågo galggi dåbddåt sij li oassen aktisasjvuodas. Hásstaliddje pedagogihkka hásstal makta skåvllå ja sebrudahka l sæmmi rievtesferduk gájkájda vájku dal gåktu li.