Identitiehtta

Identitiehtta merkaj duola dagu dav gudi lip, makkir árvo miján li ja gesi jali masi gullup. Báhko boahtá latijnalasj bágos idem ja merkaj “dat sæmmi”. Iesjdåbddo vuoset dasi mij la stuoves jali jut sæmmi iesjvuohta l avtan ulmutjin ájgij tjadá, dat mij dahká dav ulmutjav dåbddåp. Danna l juoŋga sierralágásjvuohta, dakkár mij ulmutjijt ieret ietjá ulmutjijs. Valla nuppe gáktuj li da aj dan birra gåktu sulástahttep dajt iehtjádijt dan juohkusin majt iehtjama adnep juohkusin.