Hopp til hovedinnhold
Åhpadimressursa Åhpadimláhtjusa
Majt merkaj liehket vuonak?
Dåjma

Majt merkaj liehket vuonak?

Dåjma birra

Ulme

  • Guoradallat máhttá gus vuonagin liehket iesjguhtik láhkáj dádjaduvvat. Máhttet dádjadit jut identitiehtta l moattebelak ja ij la nav álkke definierit.

Dán hárjjidusán bessi oahppe guoradallat jut vuonagin liehket máhttá iesjguhtik láhkáj dádjaduvvat. Hárjjidusáv máhttá muhtem hiebadimij adnet gasskadásen. Mujte máhtti liehket oahppe gudi dåbddi dát hárjjidus njuolgga sidjij guosská.

Ájgge :
30 - 60 min
Juohkusa stuorrudahka :
10 - 35

Gárvedibme

Tjadádibme

Dán hárjjidusán galggi oahppe barggat aktan guovtes ja guovtes.

Juoge barggoárkav, ja vatte oahppijda barggon dajt iesjguhtik javllamusájt dágástallat ja gæhttjalit aktisasj vásstádussaj guorrasit. Pára ma e guorrasa, máhtti ruossit goabbák alternatijvav gå goappátja libá vuojnojdiska åvdås argumentierim.

Gehtjadit tjuottjodusájt ålles juohkusin. Gåhtjo oahppijt argumentierit manen li iesjguhtik vásstádusájt válljim, ja dágástallit gåktu vuojno ærráni, juohkusin.


Gasskadáse oahppijda máhttá tjuottjodusájt válljit ma e hieba. Duoddista ájggeguovddelis tjuottjodusájt sávadusá milta.

Låhpalasj ájádallam

Ságasta oahppij jut máhttá iesjguhtik láhkáj dádjaduvvat mij la vuonagin liehket, ja jut dan gatjálvisán ij dárbaha liehket makkirak fasihtta. Gæhttjala åvddån oadtjot vuojnojt dan hárráj gudi galggi bessat definierit mij la vuonagin liehket. Dágástalli aj gåktu buojkuldagá dagu “vuonak” jali “ålggorijkalasj” ja «ådåboahtte» máhtti váseduvvat sebrudahttemin jali ålgodibmen iesjguhtik ulmutjijda mijá sebrudagán.