Hopp til hovedinnhold
OahpahusresurssatOahpahusdagus
Jurddaš jus buohkat livčče dego mun…
Doaibma

Jurddaš jus buohkat livčče dego mun…

Doaimma birra

Mihttu

  • Dán hárjehusas besset oahppit guorahallat ja ságastallat movt ovttaláganvuođat ja vealat olbmuid gaskkas váikkuhit midjiide iešguhtege dilálašvuođain

Dát hárjehus veahkeha guorahallat mii lea sáhttá leat positiivvalaš ja hástaleaddji min ovttaláganvuođaiguin ja vealáiguin. Dat movttiidahttá ságastallat movt ovttaláganvuođat ja vealat váikkuhit midjiide iešguhtege dilálašvuođain.

Hárjehus heive smávvaskuvlii go álkidahttá guorahallangažaldagaid veahá gielalaččat.

Áigi:
45 - 60 min
Joavkosturrodat:
15 - 35

Čađaheapmi

 Váldooassi

Iešguorahallan

Bivdde álggos ohppiid dahkat čuovvovaš jurddageahččaleami:

“Jurddaš jus buohkat livčče dego mun….”

Bivdde dasto sin jurddašit čuovvovaš gažaldaga:

  • Mii livččii leamaš heittot dainna?
  • Mii livččii leamaš buorre dainna?

Joavkoságastallan

Maŋŋil go buohkat leat ožžon áiggi smiehttat iehčanassii
Juoge luohká joavkkuide main leat 3-4 oahppi. Bivdde sin juogadit iežaset jurdagiid čadnon joavkkuid gažaldagaide, áinnas okta gažaldat hávális.

Bivdde dasto joavkkuid háleštit gaskaneaset čuovvovaš gažaldagaid birra:

  • Guđiid dilálašvuođain sáhttá leat ovdamunni ahte olbmot leat ovttaláganat?
  • Guđiid dilálašvuođain sáhttá leat ovdamunni ahte olbmot eai leat ovttaláganat?
  • Makkár erohusat leat du mielas deaŧalepmosat – dat mat leat olgguldasat, vai dat mat leat siskkáldasat olbmuin?
  • Guđiid dilálašvuođain deattuhit mii ovttaláganvuođaid gaskaneamet?
  • Guđiid dilálašvuođain deattuhit mii vealaid gaskaneamet?
  • Guđiid dilálašvuođain eai mearkkaš ovttaláganvuođat dahje vealat maidege?
  • Lea go erohus ovttaláganvuođas ja ovttadássásašvuođas? Čilge.

Loahpalaš guorahallangažaldat

Bivdde joavkkuid juogadit muhtun jurdagiid dievasjoavkkus. Go buot joavkkut leat juogadan, jeara čuovvovaš gažaldaga:

  • Maŋŋil go lehpet gullan earáid, lehpet go jurddašišgoahtán eará láhkái go leiddet vástidan gažaldagaide álggos?