Hopp til hovedinnhold
Åhpadimressursa Åhpadimláhtjusa
Akta ulmusj – akta násste
Dåjma

Akta ulmusj – akta násste

Dåjma birra

Ulme

  • Åvddånahttet diedulasjvuodav ietjas ja iehtjáda identitiehta hárráj.

Hárjjidusán bessi oahppe ietjasa identitiehtav ja iesjdádjadusáv åtsådit. Avtabuohta åvddånahtti diedulasjvuodav ja dádjadusáv iehtjádij identitiehttaj, ja jut ulmutjin máhttá liehket juoga aktisasj iehtjádij gej la binná aktijvuohta.

Dát dahkamus la oasse åhpadusdagos mav li viedtjam girjes Forskellighed og fordomme – en lærebog til grundskolen om intolerance, Stine Thuge og Tine Brøndum, 2015, DIIS forlag.

Tjadádibme

Oajvveoasse

Vatte guoros páhpernástev juohkka oahppáj, jali gåhtjo oahppijt nástijt tjuorggat ja biesskedit. Násten bierriji liehket binnemusát 5 tjiega, ja galgaluluj liehket nav stuorre váj la buorre sadje tjállet guhtik tjiehkaj.

  • 1

    Vatte guoros páhpernástev juohkka oahppáj, jali gåhtjo oahppijt nástijt tjuorggat ja biesskedit.

    Násten bierriji liehket binnemusát 5 tjiega, ja galgaluluj liehket nav stuorre váj la buorre sadje tjállet guhtik tjiehkaj.

  • 2

    Oahppe vuostatjin tjállá namás náste gassko.

    Ja de tjállá avta bágov juohkka násstetjiehkaj mij subtsas guhti sån la jali makkir ulmusj sån la.

  • 3

    2. Ja de váttsatji oahppe klássalanján ja gehtjadi le gus aktak guojmmeoahppijs tjállám muodugasj jali sæmmi bágojt ietjas násstáj.

    Buojkulvissaj jus nágin la tjállám «oabbá» jali «famillja» - de la da sæmmi kategorijjan. Gåhtjo oahppijt tjállet dan oahppe namáv gænna li muodugasj bágo ietjas násten, dav tjáles dan násstetjiehkaj mij sunnun la aktisasj. Máhttá tjállet moadda namá juohkka násstetjiehkaj jus li ienebu gudi li sæmmi bágojt tjállám.

Låhpadimrefleksjåvnnå

Gå oahppe li vas tjåhkkidam sadjásisá, de dágástallabihtit tjuovvovasj gatjálvisájt:

Gatjálvisá

  • Gåktu dåbdduj ietjas definierit návti?
  • Li gus ietjá biele duv identitiehtas majt farra lulu ietjá aktijvuodajn válldám åvddån?
  • Mij lij álkke, mij lij gássjel?
  • Huomahi gus mavga ådåsav ietjajnat jali iehtjádijn?
  • Lij gus mige mij duv alvadahtij?
  • Makkir bágo ja kategorijja lidjin dábálabmusa?
  • Majt máhttep guhtik guojmáma birra oahppat dákkár hárjjidusájn?