Hopp til hovedinnhold
Åhpadimressursa Åhpadimláhtjusa
"The danger of a single story" - julevsábmáj
Åhpadimbåddå

"The danger of a single story" - julevsábmáj

Barggobåttå birra

Ulme

  • Oahppe/studenta guoradalli gåktu gátto ja stereotypija máhtti åvddånit ja nanniduvvat. Sij sjaddi diedulattja ietjasa gáttoj hárráj.

Hárjjidusá vuodon la TED-talka mav Chimanda Ngozi Adichie la åvddånbuktám. Adichie danna tjielggasit gåvvit gåktu avtagærddánis subttsasa rijkaj, ulmutjij ja indivijdaj birra li. Tjálle vuoset várav gå nanni stereotypijajt giehpeduvvam ja åbbålasj subttsasij. Åhpadusvuohke máhttá liehket sijdabarggo jali filmav gæhttjat ja ságastallat klássalanján.

Dát åhpadimlátjos l åvddånahteduvvam vijddásappot Rafto-vuododusá (Rafto-stiftelsen) muodugasj láhtjusa milta.

Gárvedibme

Tjadádibme

Oajvveoasse

  • 1

    Gæhttji Archie oanegis lågådallamav

    Gæhttjit tjálle Chimamanda Ngozi Adichie TED-talka oasátjav dánna (3 min).

    Jus ájgo ålles lågådallamav gæhttjat dieddela dággu (18 min).

  • 2

    Gatjálvisá refleksjåvnnåj lågådallama birra

    • Manen tjálij Chimamanda Adichie vielggis ulmutjij, muohttaga ja æhppala birra gå sån lij unne ja åroj Nigerian?
    • Mij la oajvvesáhka suv lågådallamin?
    • Mij la ”a single story”?
    • Gej birra Chimamanda miedet iesj la læhkám avtagærddánis subttsasa?
    • Gej birra jáhká dujna li avtagærddánis subttsasa?
    • Mij la dat akta subtsas mij soabmásin dávk lisj duv birra, jali juohkusij birra massta jáhkki dån la oasálasj? Le gus årnigis? Manen/Manen ij?
    • Manen máhttá liehket várálasj jus miján la dåssju akta subtsas ietjá ulmutjij birra?
    • Gåktu máhttep dav rievddadit?
    • Gåktu máhttep ienep subttsasijt gávnnat?
  • 3

    Låhkåt NDLA oanegis fáhkaartihkkalij (jus sihtá)

    Jus sihtá dahkamusáv vijdedit, de máhttá gåhttjot oahppijt/studentajt låhkåt NDLA oanegis fáhkaartihkkalijt stereotypijaj birra dánna .

    Eller les om Vi, de andre og andregjøring eller Fordommer og stereotypier.

Guoradallam ja tjoahkkájgæsos

Ájádalá oahppij/studentaj siegen klássaságastallama jali filosoaffalasj ságastallama baktu. Dakkár ságastallamav máhttá aj dahkat digitála ságastallamsajijn. Åtsåda buojkulvissaj tjuovvovasj gatjálvisájt vehi tjiegŋalappot:

  • Ma li stereotypija?
  • Li gus stereotyhpalasj subttsasa dåhkkidahtte, li gus dåssju boagos, vaj máhtti gus liehket gássjela?