Hopp til hovedinnhold
ÖöhpehtimmievierhtiehÖöhpehtimmiesoejkesje
«The danger of a single story» - åarjelsaemiengïelese
Ööhpehtimmieboelhke

«The danger of a single story» - åarjelsaemiengïelese

Barkoeboelhken bïjre

Ulmie

  • Learohkh /studeenth ussjededtieh guktie åvtelhaarvoeh jïh stereotypijh maehtieh jïjtjemse evtiedidh jïh veaksahkåbpoe sjïdtedh. Dah voerkesvoetem jïjtsh åvtelhaarvoej bïjre evtiedieh.

Boelhken våarome lea akte TED-talk tjaeliejistie Chimanda Ngozi Adichie. Adichie daesnie aktelaaketje soptsesh laajhta laanti, åålmegi jïh indivijdi bïjre. Tjaelije vaahram vuesehte stereotypijh dåarjoehtidh aelhkiehtamme jïh generaliseereme soptsesi tjïrrh. Maahta ööhpehtimmieboelhkem tjïrrehtidh goh hïejmelaavenjasse jallh vuesiehtimmien tjïrrh filmeste jïh soptsestalleme klaassetjiehtjelisnie.

Daam ööhpehtimmieboelhkem lea vijriesåbpoe evtiedamme aktede boelhkeste Rafto-stiftelsisnie.

Ryöjredimmie

Vuartesjh bïetskem TED-talkeste Chimamanda Ngozi Adichieste daesnie .

Tjïrrehtimmie

Tjïrrehtimmie

  • 1

    Gaajhkesh dam åenehks håalomem vuajna

    Vuartesjh bïetskem TED-talkeste Chimamanda Ngozi Adichieste daesnie (3 min).

    Abpe håalome daesnie (18 min).

  • 2

    Gyhtjelassen håaloemisnie bijre

    • Mannasinie Chimamanda Adaichie veelkes almetji, lopmen jïh eeplaj bïjre tjeeli gosse lij onne jïh Nigerijisnie årroeji?
    • Mij altese åejviedïjre daennie håaloemisnie?
    • Mij «a single story”?
    • Gïen bïjre Chimamanda myöte satne jïjtje lea aktelaaketje soptsesh åtneme?
    • Gïen bïjre vïenhth datne jïjtje aktelaaketje soptsesh åtnah?
    • Maam vïenhth dïhte akte soptsese lea maam naakenh maehtieh dov bïjre utnedh, jallh dåehkiej bïjre mejstie vienhtieh datne leah akte bielie? Mah hijven dutnjien? Mannasinie / Mannasinie ij?
    • Mannasinie maahta vaarege årrodh jis ajve aktem soptsesem utnebe jeatjah almetji bïjre?
    • Guktie maehtebe dam jarkelidh?
    • Guktie maehtebe jienebh soptsesh gaavnedh?
  • 3

    Åenehks faagetjaalegem lohkedh stereotypiji bïjre NDLA:ste daesnie (Jis sæjhta)

    Jis sæjhta laavenjassem vijriedidh, gaajhkesh maehtieh birresovvedh daam åenehks faagetjaalegem lohkedh stereotypiji bïjre NDLA:ste daesnie .

    Eller les om Vi, de andre og andregjøring eller Fordommer og stereotypier.

Ussjedadteme jïh iktedimmie

Ussjedadth gaajhkesigujmie klaassesoptsestallemen jallh filosofeles soptsestallemen tjïrrh. Dagkeres ussjedadteme maahta aaj digitaale soptsestallemetjiehtjelisnie årrodh. Goerehth vuesiehtimmien gaavhtan daejtie gyhtjelasside veelebe:

  • Mij stereotypijh?
  • Stereotypiske soptsesh ajve hijven, dah ajve luste jallh maehtieh dåeriesmoerh sjugniedidh?