Hopp til hovedinnhold
OahpahusresurssatOahpahusdagus
Doababargobihttá: Álgoálbmogat ja našuvnnalaš unnitlogut
Oahpahusoassi

Doababargobihttá: Álgoálbmogat ja našuvnnalaš unnitlogut

Oasi birra

Mihttu

  • Diđolašvuohta sániid ja doahpagiid hárrái mat gusket álgoálbmogiidda ja našuvnnalaš unnitloguide.

Dán oahpahusdahkosis galget oahppit bargat sániiguin ja doahpagiiguin mat gusket našuvnnalaš unnitloguálbmogiidda. Go doahpagiiguin bargá de čielggasindahká fáttá, sihke giellaipmárdusa dáfus ja doahpagiid sisdoalu iešguđet perspektiivvaid dáfus.

Go oahppit barget doahpagiid ja joavkkuid čilgemiin ja suokkardemiin, de sáhttet hárdimat ja ovdagáttut albmanit. Lea iešguđet oahpaheaddji duohken válljet strategiija movt daiguin meannuda oahpahusas, ja ovdal ja maŋŋel oahpahusa.

Áigi:
40 - 60 min
Joavkosturrodat:
5 - 35

Čađaheapmi

  • 1

    Makkár doahpagat heive iešguđet čilgehusaide?

    Oahppit barget Mix & Match- bargobihtáin mas galget laktit doahpagiid rievttes čilgehusaide. Viečča bargoárkka vuolábealde.

    FiilaDokumeanta

    Mix & Match-oppgave urfolk og nasjonale minoriteter

  • 2

    Filbmabihttá: Jearahallan unnitlohkonuoraiguin

    Gehččet filmma «Identitet – ungdommer fra de nasjonale minoritetene» (dárogillii).

    Ságaskuššet leat go definišuvnnat ávkkálaččat go galgat suokkardit mat našuvnnalaš unnitlogut leat, ja guđe láhkái definišuvnnat sáhttet leat beare gáržžit. Čoavddasánit: unnán dieđut, eai buot lahtut joavkkus soaitte dovdat iežaset dan dihto definišuvnna mielde, joavku lea hui máŋggabealat, garvit essensialiserema (namalassii ahte álbmotjoavkkus lea fásta váimmus, nu gohčoduvvon “esseansa” mii ovddasta joavkku miellahtuid kultuvrra ja meannudanvuogi, ja mii sáhttá dagahit ahte lea váttis oaidnit joavkku máŋggabealatvuođa).

  • 3

    «Alias nuppegežiid» Bargobihttá: Čilge doahpagiid

    Juoge ohppiid báraide dahje smávva joavkkuide main leat golmmas guđege joavkkus. Juohke bárra/joavku oažžu doabakoarttaid mat doibmet Alias-speallun nuppegežiid: Oahppit galget čilget doahpaga almmá geavakeahttá ieš dan doahpaga (dahje variánttaid/sojahemiid doahpagis). Sii galget čilget doahpaga daid čoavddasániid bokte mat leat koarttas.

    Guldaleaddji/guldaleaddjit galget árvádallat guhte doaba dat lea mii čilgejuvvo, muhto eai oaččo vástidit ovdalgo son guhte čilge doahpaga lea geavahan visot čoavddasániid koarttas. Doaba galgá leat čihkosis dasságo guldaleaddjit árvidit rievttes doahpaga dahje vuollánit. Oahppit čilgejit doahpagiid vurrolaga. Oahppit berrejit geavahit dieđuid filmmas, ságaskuššamis ja Mix & Match- bargobihtás go čilgejit doahpagiid.

    FiilaDokumeanta

    Omvendte "Alias-kort" - nasjonale minoriteter

  • 4

    Loahpaheapmi

    Dáhto ohppiid ságaskuššat mii definišuvdna lea, ja makkár nanusvuođat ja hearkivuođat definišuvnnas sáhttet leat. Čoahkkáigesset fáttá dievasjoavkkus.