Dåjma birra
Ulme
- Guoradallat gåktu dav majt javllap vájkkut iehtjádijda, sihke positijva ja negatijva láhkáj.
Dán hárjjidusán galggi oahppe dágástallat mij la sluogas javllat iesjguhtik dilijn. Ja makkir bágojt válljiji merkahi juojddá iehtjádij soapptsomij.
Gárvedibme
Gárveda barggoárkav oahppijda. Oahppe galggi aktan barggat párran jali smáv juohkusijn.
Ytringsfrihet: Sortering av utsagn
Lågå ber Sokrates’ tre siler (Sokratesa gålmmå sillá) åvddål álggebihtit.
Sokrates' tre siler
Tjadádibme
- 1
Álge ságastallamijn ålles klássan giela vájkkudimfámo birra
Álge ságastallamijn ålles klássa giela vájkkudimfámo birra:
- Gåktu máhttá dat majt mij javllap iehtjádijda vájkkudit?
- Majt máhtti iehtjáda javllat vaj dån soaptso?
- Majt máhtti iehtjáda javllat mij duv suhttat ja hådjånahttá?
- Le gus juojddá javllam mij iehtjádijt ávvudahtij? Makkir dåbddo lij dujna dalloj?
- Le gus juojddá javllam mij iehtjádijt hådjånahtij jali suhttadij?Makkir dåbddo lij dujna dalloj? Lulu gus máhttám javllat ietjá láhkáj?
- 2
Oahppe galggi dálla dáj dilij barggoárkajn barggat párran jali juohkusijn.
Gåhtjo sijáv oajvvadit iesjguhtiklágásj vuogijt javllat dajn iesjguhtik dilijn ja dágástallat gåktu da máhtti duosstuj vájkkudit. Nuoramus oahppijda máhttá åhpadiddje dilijt javllat, ja oahppe máhtti ålles klássan oajvvadit ja dágástallat.
FijllaDokumænntaArbeidsark til "lurt å si? - Lurt å si? Språk som påvirker andre."
- 3
Mannit nágin juohkusij vásstádusá tjadá ålles klássan.
Dibde sijáv tjielggit gåktu ájádalli bágo birra mav javllin jali válljijin ij javllat, máhtti duosstuj vájkkudit. Dibde sijáv vuosedit muhtem dilijt roallaspelan, gæhttjalittjat gåktu bágo máhtti vájkkudit.
Ájádusá låhpan:
- Lij gus nágin dilijn gássjel diehtet mij la buoremus javllat?
- Gåktu máhttá diehte ahte dav majt ájggu javllat máhttá iehtjádijda vájkkudit?
- Dárbaj gus muhttijn juojddá javllat vájku diehtá dat máhttá hådnånahttet jali suhttadit iehtjádijt? Majt bierri dalloj ájádallat?