Dembra fagsnakk 4: Korleis undervise om samisk kultur når ein sjølv ikkje har samisk bakgrunn?

I fleire hundre år har samisk kultur blitt undertrykt og usynleggjort i Noreg. Korleis kan majoritetslærarar undervise om samisk kultur, som dei ikkje er ein del av, utan å framhalde med usynleggjering i dag? På HVL nyttar dei seg av ei undervisningsform som tar utgangspunkt i samisk samtidskunst/protestkunst for å formidle kultur, politikk og tradisjonelle levesett og handverk. Kunsten blir eit verkemiddel for å sikre at samisk eigarskap og opphav blir ivaretatt. Foredragshaldar Ingrid Skarprud er tilsett som ph.d.-stipendiat tilknytt BARNkunne, senter for Barnehageforsking ved Høgskulen på Vestlandet, der ho forskar på pedagogisk innovasjon opp mot barnehagelærarutdanninga. Skarprud er utdanna kunstnar og pedagog frå Kunsthøgskulen i Bergen og Høgskulen på Vestlandet. Har jobba 10 år som kunstnarisk leiar i Bortigard Barnehage og vore tilsett som Høgskulelektor ved Institutt for kunstfag ved Høgskulen på Vestlandet.